सेयर दोहरी

काठमाडौँ सेयरबजारमा लगानी गर्ने लगानीकर्ताहरूलाइ चेतना फैलाउन सेक्युरिटी रिसर्च एन्ड सर्भिसेजले 'सेयर दोहरी' नामक दोहरी गीति एल्बम आज यहाँ सार्वजनिक गर्‍यो । 'सङ्‍गीत, शिक्ष र चेनताको माध्यम' भन्ने मूलनाराका साथ रवीन्द्र भट्टराइको परिकल्पना तथा भट्टराइ र बाबुराम दाहालको शब्दमा सो एल्बम बजारमा ल्याएको हो । एल्बममा शिक्ष्, चेनता र मनोरञ्जनका विष्यवस्तुलाइ समेटेर तीनवटा गीत तयार पारिएको छ । सूर्यप्रसाद रेग्मीको लय रहेको सो एल्बममा गायक गायिकाहरू बिमाकुमारी दुरा, राजु परियार र सूर्यप्रसाद रेग्मीले स्वर दिनुभएको छ । सो एल्बमले सेयर बजार भनेको के हो, कसरी लगानी गर्ने, लगानी गर्दा के कुरामा ख्याल गर्नेजस्ता कुराहरूलार्इ समेटेको हुनाले सेयरबजारमा लगानी गर्न चाहने तथा लगानी गरेकाहरूलाइ शिक्ष्त गर्न सहयोग पुग्ने विश्वास व्यत्त गनर्भयो । एल्बमको विमोचन गर्दै नेपाल धितोपत्र बोर्डका पूर्व अध्यक्ष् युवराज काफ्लेले हल्लाको भरमा सेयर बजारमा लगानी गर्नेहरूलार्इ यस एल्बमले चेतना दिनसक्ने बताउनुभयो । पछिल्ला दिनहरूमा प्राथमिक तथा दोस्रो बजारमा लगानीकर्ताहरूको आकर्ष्ण् बढ्‍दै गएको तथा यस्तो क्ष्त्रमा बुभेर भन्दा पनि नबुभेर लगानी गर्नेहरूको सङ्‍ख्या बढिरहेकाले यसतफ सबै सचेत हुनुपर्ने सहभागीहरूल् बताएका थिए ।

र्सार्क महोत्सवमा नेपालका बसाइँ र लालसलाम

श्रीलंकाको संस्कृति र परराष्ट्र मन्त्रालयले संयुक्त रूपमा आगामी साउन ३ देखि ८ गतेसम्म कोलम्बोमा र्सार्क चलचित्र महोत्सवको आयोजना गर्ने भएका छन्। पन्ध्रौं र्सार्क सम्मेलनअर्न्तर्गत आयोजना गरिने सो महोत्सवमा र्सार्क राष्ट्रमा निर्माण गरिएका चलचित्र प्रदर्शन गरिनेछन्। महोत्सवमा नेपाल, भारत, श्रीलंका, पाकिस्तान र बंगलादेश प्रत्येक देशका दुइ-दुइवटा चलचित्र प्रदर्शन गरिनेछन्। महोत्सवमा हरेक दिन निःशुल्क चलचित्र प्रदर्शन गरिने जनाइएको छ। अफगानिस्तान, माल्दिभ्स र भुटानका चलचित्रको भने महोत्सवमा उपस्थिति छैन। चलचित्र विकास बोर्डका सदस्य शिवजी लामिछानेका अनुसार र्सार्क चलचित्र महोत्सवमा नेपालका तर्फाट लीलबहादुर छेत्रीको उपन्यासमा आधारित चलचित्र बसाइँ र माओवादी जनयुद्धमा आधारित चलचित्र लालसलाम पठाइएको छ। महोत्सवको उद्घाटन सोमरत्ने दिशानायकेद्वारा निर्देशित श्रीलंकाली चलचित्र श्रीराजाश्रीको प्रदर्शन गरी गरिने उल्लेख गरिएको छ। साउन ४ गते बंगलादेशी चलचित्र घानी र निरन्तर देखाइनेछ भने साउन ५ गते भारतीय चलचित्र मित्रः माई पाइन्ड र बारानासः अ मिस्टिक लवस्टोरीको प्रदर्शन गरिने कार्यक्रम रहेको छ। यस्तै साउन ६ गते नेपाली चलचित्र लालसलाम र बसाइँ प्रदर्शन गरिनेछ। पाकिस्तानी चलचित्र खुदा के लिए र कोई तुझसा कहाँ साउन ७ गते तथा श्रीलंकाली चलचित्र निसला गिरा साउन ८ गते प्रदर्शन गरी महोत्सवको अन्त्य गरिने जनाइएको छ।

नायिकाहरुको आन्दोलन ?

नेट नसा डटकमका लागि नेपाली चलचित्रका चर्चित नायिकाहरू निरुता सिंह, संचिता लुईंटेल, उषा पौडेल, अरुणिमा लम्साल, ऋचा घिमिरे र सोभिता सिंखडा आदि छ जना नायिकाहरूलाई झुक्याएर फोटो खिची फोटोग्राफर राजीव श्रेष्ठले यामाहालाई बेचर सुटुक्क लाखौं रूपैयाँ हात पारेका छन् ।
नायिकाहरूलाई बेबसाइटको उपयोगका लागि मात्र फोटो खिंचाएको भनेर फोटोग्राफर श्रेष्ठले पछि यामाहाको मोटरसाइकल बिक्री प्रवर्द्धनका लागि सो क्यालेण्डर बेचेको थाहा भएपछि नायिकाहरूले यसविरुद्ध कानुनी कारबाहीका लागि अधिवक्ता सपना प्रधान (मल्ल) को ढोका घच्घच्याएका छन्। विश्वस्त सूत्रका अनुसार नेटनशा डटकमको लागि भनेर फोटोग्राफर श्रेष्ठलाई हिरोइनहरूको जानाजानी फोटो खिच्न यामाहा नेपालका अधिकृत वितरक मोरङ अटो वकर््सका मालिक विष्णु अग्रवाल, जिएम सुरज श्रेष्ठ र यामाहाको मिडिया एजेन्सी थम्पसन नेपालका नवीन जोशीले उक्साएका थिए। आफूहरूको फोटो त्यसरी खिचेर अनधिकृत रूपमा व्यवसायिक प्रयोग कुनै पनि हालतमा मान्य नभएको सम्बद्ध नायिकाहरूको भनाइ थियो। 'राजीव श्रेष्ठले कलाकारलाई पहिलोपटक झुक्याएका होइनन्, उनले नव–नायिकाहरूको धेरै शोषण गरेका छन्।' उत्तेजित्त हुँदै नायिका ऋचा घिमिरेले भनिन्। 'लगातार यसरी शोषण सहँदै जाने हो भने नेपालका कलाकारहरूको के अस्तित्व रह्यो त, त्यसै त कम पारिश्रमिकमा हामीले काम गर्नुपरिरहेको छ।' फोटोग्राफर र नायिकाको विवादले नेपाली सिने जगतमा हलचल पैदा गरेपछि सिनेमा बनाउँदै गरेका निर्माता र नायकहरूको पनि यसतर्फ ध्यान केन्द्रित भएको छ। नायक राजेश हमालले फोटोग्राफरले कुनै पनि चलचित्र कलाकारको अनुमतिविना त्यसरी व्यवसायिक प्रयोजनका लागि फोटो प्रयोग गर्न नहुने कुरा व्यक्त गरे। उनले भने, 'राजीवजीलाई म राम्ररी चिन्दछु, खोई किन उहाँले यस्तो गर्नुभो, विश्वास लागिरहेको छैन।' व्यवसायिक प्रयोजनका लागि कुनै नायिकालाई जानकारी नै नदिई ठूलो अर्थलाभ गरेको नेपाली सिनेजगतमा यो पहिलो घटना भने नभएको कलाकारहरूले बताएका छन्। उता, विवादलाई राफसाफ पार्न मोरङ अटो वर्क्सका सञ्चालक विष्णु अग्रवालले थम्पसनका नवीन जोशीमार्फत् हिरोइनहरूलाई सानो थैलीको नजराना चढाउने कोसिस गरेको स्रोतले बताएको छ। थैलीमा दिइन लागिएको रकम अत्यन्त कम भएको र यसले हात्तीको मुखमा जीरा जस्तो काम गरेकाले हिरोइनहरूको आन्दोलनलाई झन् चर्काउने भएपछि अहिले क्यालेण्डर प्रकाशन यामाहाको लागि गलगाँड सावित भएको छ। स्रोतका अनुसार नायिकाहरूले फोटोका लागि प्रतिनायिका पाँच लाख मागेको तर अग्रवाल र जोशी यसका लागि तयार हुँदाहुँदै पनि फोटोग्राफर श्रेष्ठ नदिनका लागि जोडतोडले लागिरहेका छन्। उल्टै राजीव श्रेष्ठ नायिकाहरूलाई नौटङ्कीको संज्ञा दिन्छन्, 'हिजो मस्कीमस्की फोटो खिचाउने अहिले पैसाको ठूलो माग गर्ने?' उनी भन्छन् 'यो द्वैध चरित्र हो।'

काम खोज्न विदेश जान्न: दिलीप रायमाझी

आयरलैंडको समेत भ्रमण गरेका चलचित्र अभिनेता दिलीप रायमाझीसंगको छोटो कुराकानी:
नेपाली सिनेमा उद्योगमा कुशल अभिनय र नृत्यका लागि प्रशंसित नायक । पहिलो चलचित्र भानुभक्त र हाल एकसाथ विवश र पलपल चलचित्रको काममा व्यस्त । विशेष गरेर महिला मित्रहरूसँगको आत्मीयताका कराण विवादमा पनि पर्ने गर्छन् उनी । करिब तीन महिना लन्डन बसाइपछि उनी नेपाल फर्किएका छन्।
कहिले फर्कनुभयो?
– त्यस्तै दुई–तीन साता भयो।
तर, तपाईं त उतै बस्दै हुनुहुन्छ भन्ने हल्ला चल्यो नि यता त?
– यहाँ हल्ला चल्न कुन आइतबार कुर्नुपर्छ र! म आफ्नै श्रीमती लिएर लन्डन गएको थिएँ तर यहाँ त अर्कै केटी लिएर गयो भन्ने हल्ला चलाइएछ। यो खबर सुनेर म र मेरी श्रीमती दुवै हाँस्यौं।
श्रीमती लिएर जानुको कुनै कारण थियो कि?
– घुमाउन लैजानु भनेर निकै घुर्की देखाएर रिसाएझैं गर्न थालिन्, अनि यसो डुलाउन लगेको नि!

श्रीमतीको ठाउँमा अर्कै केटी लिएर जान पाएको भए अर्कै आनन्द आउँथ्यो होला नि होइन र? – घर भाँड्ने प्रश्न नगर्नुस् न यार !
दिलीपले लन्डनमै काम मिलाएकोले अब सपरिवार उतै बस्ने भए भन्ने चर्चा त्यसो भए निराधार नै ठहरियो होइन त?
– अवश्य ! एक त यहाँ थुपै सिनेमाको काम अड्किएको छ, निर्माताहरूलाई धोका दिनै सकिँदैन । र, अर्को कुरा काम गर्ने हो भने लन्डनभन्दा पनि राम्रो ठाउँमा गएर गर्न सकिन्छ । विदेश गएर काम गर्ने अवस्था आएको छैन ।
भनेपछि ढिलै भए पनि श्रीमतीसँग लन्डनमा हनिमुन मनाइयो?
– अब त्यै भन्नुपर्यो । घुमफिर त रमाइलैसँग गरियो तर लन्डन भन्ने सहर साह्रै महँगो रहेछ।