पर्यटकले पोखरा भरियो, सौराहामा पनि खचाखच

पोखरा तथा सौराहामा नयाँ वर्ष २००८ को स्वागत गर्न स्वदेशी तथा विदेशी पर्यटकको घुइंचो लगेको दुई वटा समाचार आज को कान्तिपुर दैनिकले प्रकाशित गरेको छ । समचारमा लेखियेको छ-
अंग्रेजी क्यालेन्डरको नयाँ वर्ष मनाउन यहाँको मुख्य पर्यटन क्षेत्र लेकसाइडमा स्वदेशी तथा विदेशी पर्यटकको घुईंचो लागेको छ ।
नया वर्ष सुरु हुनु एक दिनअघि लेकसाइडका सडक पर्यटकले भरिएका छन् । फिस्टेल गेटदेखि सुरु हुने भीड झन्डै साढे तीन किलोमिटर डिहीको पाटनसम्म छ । त्यो पनि बिहान १० बजेखि राति ११ बजेसम्म एकैनास । कतै पञ्चैबाजाको झ्याइ झ्याइ छ । कतै गुरुङ, मगर, तामाङ, थकालीको नाचगान र कतै सा“स्कृतिक क्लबका सास्कृतिक कार्यक्रम । सडक बीचमा दुलाहा र दुलही बनाएर छमछम रत्यौली नाचेको दृश्यले सबैको मन छुन्छ । सडकका दाया बाया खुलेका रेस्टुरेन्ट र स्टलले सडक साघुरो बनाए पनि मन खोलेर नया वर्ष स्वागत गर्न पोखरा आइपुगेकालाई यसको परवाह छैन । यति रमाइलो होला भन्ने सोचेकै थिइन, काठमाडौंबाट नया वर्ष बनाउन आएका सन्तोष अधिकारीले भने । लामो समय पर्यटन मन्दीको असर झेलेका पोखराका व्यवसायी यो भीडभाडबाट दंग छन् । यस वर्षरत्न मन्दिर अगाडिका व्यवसायीले पनि मन्दिरको गाह्रै जोडिने गरी व्यवसाय चलाउन पाएका छन् । यसअघिका महोत्सवमा उनीहरूलाई सडक र्झन बन्देज थियो ।

उता सौराहमा लगेको महोत्सबले पनि पर्यटकहरुको मन जितेको छ । रोयल पार्क रिसोर्टमा बसिरहेको जापानी टोलीले जनवरी ३ सम्म सौराहा बस्ने निधो गरेका छन् । उनीहरूको निर्धारित बसाइ दुई दिनअघि सकिएको थियो । नया वर्ष को अवसरमा सञ्चालित हात्ती महोत्सव, फुड फेस्टिबललगायत कार्यक्रमबाट आकषिर्त भएर जापानी टोलीले भ्रमण कार्यक्रम लम्ब्याएको हो । युरोप, अमेरिकालगायत मुलकबाट नेपाल घुम्न आएका पर्यटक शान्त र प्राकृतिक मनोरञ्जन लिन सौराहा क्षेत्र रुचाऊँछन । यस वर्ष विदेशीसगै आन्तरिक पर्यटकको संख्यासमेत ह्वात्तै बढेको छ । अधिकांश पर्यटक प्याकेजका रूपमा आउने हुदा यहाका व्यवसायी काठमाडौं, पोखराबाट पर्यटक बुक गछ्न । सौराहामा पर्यटकका लागि हात्ती सफारी, डुंगा सवार, जंगल भ्रमण, चरा अवलोकनलगायत कार्यक्रम सञ्चालन गरिएको छ ।